Алаяқ әйелге қатысты сот үкімі өзгеріссіз қалдырылды

Маңғыстау облыстық сотының қылмыстық істер жөніндегі сот алқасында  Қазақстан Республикасы Қылмыстық Кодексінің 190-бабы 3-бөлігінің 1 тармағымен Г-ға қатысты қылмыстық іс қаралды. 

Сотта анықталғандай, сотталушы  Г. қасақана, пайдақорлық ниетпен, бөтеннің мүлкін ірі мөлшерде жымқыру немесе алдау немесе сенімді теріс пайдалану жолымен бөтен мүлікке құқықты иемдену мақсатында, жәбірленуші И-ға «ұлы мен қызын жұмысқа орналастырып беремін» деп, өзінің ондай жағдайға ықпал етіп көмектесуге ешқандай мүмкіншілігінің жоқ екенін алдын-ала біле тұра, 2 000 000 теңге ақшасын алып, оқиға орнынан бой тасалап кеткен.

Одан әрі, сотталушы Г. өзінің осы қылмыстық іс әрекетін жалғастыра отырып, жәбірленуші Б-ға «жолдасын мекемеге жұмысқа орналастырып беремін» деп, 2 000 000 теңге ақшасын алдып алып, қылмыс болған жерден бой тасалап кеткен. Нәтижесінде, сотталушы өзінің қылмыстық іс-әрекеттерімен жәбірленушілерге 4 000 000 теңге материалдық залал келтірген.

Жаңаөзен қалалық сотының үкімімен Г. Қазақстан Республикасының Қылмыстық Кодексінің 190-бабы 3-бөлігінің 1 тармағымен кінәлі деп танылып, жеке мүлкі тәркіленіп, оған  3 жыл 6  ай мерзімге бас бостандығынан айыру жазасы тағайындалған.

Сотталушы  Г. сотқа дейін  жәбірленуші И-ға 1 000 000 теңге, Б-ға 1 450 000 теңге ақшасын қайтарған.

Маңғыстау облыстық сотының қылмыстық істер жөніндегі сот алқасында Г-ның апелляциялық шағымы қанағаттандырусыз, сот үкімі өзгеріссіз шағым қалдырылды.