Жүргізуші қылмыстық жауапкершілікке тартылды

Ақтау қалалық сотымен сотталушы Г.-ға қатысты қылмыстық іс қаралған. 

Сот талқылауында сотталушы Г.,  өзінің Ақтау қаласының мамандандырылған әкімшілік сотының 08.12.2016 жылғы қаулысымен 3 жылға көлік құралдарын басқару құқығынан айырылғанын біле тұра, 25 желтоқсан 2016 жылы, сағат 04.00 шамасында Ақтау қаласы, 5 шағын аудан, №13 үйіне қарама-қарсы тас жолда, автокөлігін алкогольдік масаң күйде басқарғаны анықталған.

Соттың үкімімен Г. ҚР ҚК-нің 346-бабының 1-бөлігімен кінәлі деп танылып, оны 3 жылға көлік құралын жүргізу құқығынан айырылып, оған 25  айлық есептік көрсеткіш мөлшерінде 53 025 теңге айыппұл жазасы тағайындалған. Бұл туралы Маңғыстау облыстық сотының баспасөз қызметі хабарлады.