Жақында «Жайылымдық жерлер туралы» заң қабылданады

«Биыл қабылданатын «Жайылымдық жерлер туралы» заңнама жайылымдарды мақсатты пайдалануға жол ашады. Нәтижесінде төрт түліктің саны көбейеді». Маңғыстау облысына жұмыс сапарымен келген Қазақстан Республикасы Праламенті Сенатының депутаты Бақтыбай Шелпеков фермерлермен кездесуі кезінде осылай деді.

Сенатор жеке шаруа қожалықтары өкілдерімен өткен жиында қолданыстағы заңға енгізілетін өзгерістерді жан-жақты түсіндірді. Көпшілік көтерген ұсыныс-тілектердің де ескерілетінін айтты. Қаңтардың соңынан бастап аудандық деңгейдегі елді мекендерге жақын және шалғай орналасқан жайылымдарға бақылау күшейтіледі. Бұл тұрғыдан әкімдіктердің құзыры артып, жердің мақсатты қолданылуын қадағалап отырады. Мәжілісте қабылданған заң жобасы бүгінде Сенатта қаралып жатыр.

Бақтыбай Шелпеков, ҚР Парламенті Сенатының депутаты:

- Біз қаңтардың соңында осы заңды қабылдаймыз. Менің негізгі мақсатым – осы заңның жалпы концепциясын айтып түсіндіру. Содан кейін халықтың, шаруалардың пікірін білу. Екінші мәселе, негізделген пікірлері болса, ертең заң қабылданған мезгілде енгізу.