Тіркеу рәсімі жеңілдетілді

Енді автокөлікті иесінің тұрғылықты жеріне қарамастан тіркеуге болады ІІМ Әкімшілік полиция комитеті автомобильдерді тіркеу рәсімін елеулі жеңілдетті. 2016 жылғы 26 қыркүйектен бастап еліміздің аумағында көлік құралдарын мемлекеттік тіркеудің эксаумақтық қағидаты енгізілді.

«Кез келген мамандандырылған ХҚКО-да немесе әкімшілік полицияның облыстық тіркеу пунктінде кез келген өңірдің көлігін иесінің тіркелген жеріне қарамастан тіркеуге болады, - деп атап өтті ІІМ ӘПК төрағасы Игорь Лепеха. - Мұндай тіркеу Қазақстан Республикасында тұрақты тіркелген жеке және заңды тұлғаларға қолжетімді болады».

- Осылайша, егер сіздер, мысалы, Атырау облысында тіркелген болсаңыз, бірақ машинаны Ақтау қаласында сатып алсаңыз, сізге транзиттік нөмір ресімдеу қажеттігі болмайды, өйткені сіз оны сол мезетте Маңғыстау облысы аймағында рәсімдей аласыз. Бұл бір жерде тіркелген, екінші жерде жұмыс істейтін адамдар үшін ыңғайлы; машина сатып алып, оны тіркеу үшін тұрақты тұратын жеріне қайтып келу қажет болмайды.

ІІМ халыққа тіркеу-емтихан бөліністерінде қызмет көрсету үшін қолайлы жағдайлар жасау бойынша шаралар кешенін қабылдап жатқанын атап өткен жөн.

Сонымен, бұрын автокөлікті тіркеу рәсімі жеңілдетілген: көлікті тіркеу үшін ұсынылатын құжаттардың тізбесінен заңды тұлғаның жарғысы алып тасталды, көлік құралын тіркеу туралы куәліктің телнұсқасын беру (жоғалтқан, бүлдірген) кезінде көлік құралын қарап тексерудің күші жойылды. Сондай-ақ жүргізуші куәлігін берудің эксаумақтық қағидаты енгізілген: әрбір азамат, оның тіркелген жеріне қарамастан, кез келген өңірдің Мамандандырылған ХҚКО-да жүргізуші куәлігін ала алады, А, А1,В, В1 санаттарындағы (кіші санаттарындағы) жүргізуші куәлігін алу кезінде автомектептерде міндетті түрде оқудың күші жойылды, - делінген Маңғыстау облысы ІІД Әкімшілік полиция басқармасынан жолданған хабарламада.