Ақтау прокурорлары азаматтарға заң талабын түсіндірді

Ақтау қаласының прокуратурасы қалалық «Жастар саясаты» орталығымен бірлесе отырып, жуырда «Ардагер» ірі ойын-сауық кешенінде және Мәңгілік алау алаңында қала тұрғындарына арналған сот актілерін уақытылы орындалуын қамтамасыз етуге бағытталған шара өткізді.

Жоғарыда аталғандай шараның басты мақсаты - сот актілерінің орындалуын қамтамасыз ету және оны орындамау нәтижесінде азаматтардың Қазақстан Республикасының аумағынан шығуларына шектеу қойылатынын, сондай-ақ берілген лиценциялардың, рұқсаттар мен арнайы құқықтардың қолданылуын тоқтата тұру туралы қарастырылған заңнаманы Ақтау қаласы тұрғындарына түсіндіру.

Аталмыш шараны өткізу барысында Ақтау қалалық «Жастар саясаты» мүшелерімен бірлесе тұрғындар арасында мемлекеттік және орыс тілдерінде дайындалған 500 дана жарнама парақтарының таратылуы ұйымдастырылды.

 Ақтау қаласы прокуратурасы мамандарының мәлімдеуінше, аталған шара алдағы уақытта да өз жалғасын табады.