Бейнеу ауданының полиция қызметкерлері мал ұрлығына тосқауыл қойды

Маңғыстау облысы ІІД Баспасөз қызметінің хабарлауынша, «Бейнеу АІІБ полиция қызметкерлері 14.03.2016ж. Бейнеу ауданы Ақжігіт селосы тұрғынының бір бас жылқысының ұрланғаны жөніндегі хабарламасы бойынша жедел іздестіру тобын құрды.

Шұғыл іздестіру шарасы кезінде, Бейнеу ауданы Сынғырлау селосының 1980ж.тұрғынын бір бас тайды қораға қамап қойып және бір бас биені сойып жатырған жерінен полиция қызметкерлері үстінен түсіп, күдіктіні ұстады.

Нәтижесінде анықталғанындай, ұсталған күдікті мал иесіне 450 000 (төрт жүз елу мың) теңге мүліктік шығын келтірген. Қазіргі таңда ҚР ҚК 188 – бабының 2-бөлігінің 1-тармағымен («Ұрлы»қ) - Тергеу амалдары жүргізіліп, іс сот өндірісінде».

     - Сонымен қатар, 2015 жылдың желтоқсан айы мен 2016 жылдың ақпан айы аралығында 1984 жылғы және 1990 жылғы 2 азамат қасақана қылмыстық пайдакүнемдік ниеттерімен қылмыстық сөз байласқан адамдар тобы болып, Бейнеу ауданында орналасқан «Тұрайымбет құмы», «Абай құмы», «Жарқұм» атты жерлерде ауыл тұрғындарының торы түсті, «ОТ» табырасы бар бағасы 300 000 теңге тұратын қара-көк түсті жабағысын, бағасы 500 000 теңге тұратын биені, 300 000 теңге тұратын тағы бір жабағысын бірінен соң бірін жасырын ұрлап, оқиға болған жерден бой тасалап, қашып кеткен.

     Ауыл арасында үрей тудырған күдіктілерді полиция қызметкерлері қолға түсірді. Қазіргі таңда олар ұсталып, тергеу амалдары жүргізіліп, іс сот өндірісіне жолданды,-деп хабарлайды ІІД Баспасөз қызметінің өкілі Шолпан Юлдашева.