Ақтауда жуырда 500 орындық жатақхана қолданысқа беріледі

Ақтау қаласының 17-шағын ауданда студенттік жатақхана қолданысқа берілуге дайын. Жақсы жаңалықпен қала әкімі Ербол Ізбергенов тұрғындармен кездесуде бөлісті, деп хабарлайды Қоғамдық коммуникация орталығы қала әкімдігінің баспасөз қызметіне сілтеме жасап.

500 орындық жатақхана 5 қабатты, 3 блоктан тұрады, жалпы ауданы - 10 732 м2.

 -Студенттердің баспана мәселесін шешу мақсатында 17-шағын ауданнан жатақхана салдық. Аталған ғимарат жайлы өмір сүруге қажетті жиһазбен, қүралдармен және бөлмелермен қамтылған. Жастарды елдің болашағы дейміз, сондықтан олардың алаңсыз білім алуына жағдай жасау - басты назарда, деді Ербол Ізбергенов.

 Жатақханада 2 және 3 жатын орындық бөлмелер, киім жуу бөлмесі, медициналық пункт, буфет, оқу залы, жиналыс бөлмесі бар. Әр жатын бөлме тумба, үстел, шкаф, орындықтармен және төсекпен қамтылған.