Мектеп оқушылары «Каспий-Битум» зауытымен танысты

28 Февраля 2018 (11:28) | 1672 | Автор: Нурганым Имашева

Маңғыстау облысының жастар ресурстық орталығының ұйымдастыруымен, 9 ш/а орналасқан №11 Т.Әшімбаев атындағы Мамандандырылған Физика-Математикалық мектебінің 9 сынып оқушыларына арналған кәсіптік бағдар берілді.

Қазіргі таңда мектептерде кәсіптік бағдар беру маңыздылығы артып отыр. Оқушылардың мамандықты саналы түрде таңдауы талап қойылған деңгейден шықпай отыр. Бала кезінен арман жетегіне еріп, қиял кемесіне мініп, балалық шақтан болашаққа сапар шеккен жастарға мамандықты саналы түрде таңдауына мүмкіндік мол.

«Кәсіптік бағдар» жобасы аясында өткізіліп отырған шара - облысымыздағы жол құрылысына қажетті өнімдер өндіріп, жолдардың жаңаруына орасан зор үлесін қосып келе жатқан «Каспий Битум» зауытында өтіп жатыр,-деген «Каспий Битум» зауытының техникалық және жалпы зауыт қауіпсіздігінің маманы Аңшыбаев Абылай Амантайұлы, оқушыларды зауыттың тарихы және атқарылып жатқан ішкі жұмыстарымен таныстырды.

Сондай-ақ зауыт зертханасының меңгерушісі Степанова Тамара Григорьевна және зертханашы Джанова Шынарай Ерғалиқызы жасөспірімдерге зауыттың лабораториясын көрсетіп, мектеп оқушыларының химия ғылымына деген қызығушылығын арттырды.

Оқушылар мамандар тарапынан өздерін қызықтырған сан алуан сұрақтардың жауабын алды. Шараға 20-ға жуық оқушы жастар қатысты.

Суреттерді түсірген Маңғыстау облысының жастар ресурстық орталығы