Ақтау қаласында ауа құрамының сапасын анықтайтын сайт іске қосылды

Бұл туралы Қоғамдық коммуникация орталығында өткен брифингіде Маңғыстау облысы цифрлық технологиялар басқармасының басшысы Айдын Хадиев мәлім етті.

Оның айтуынша, Ақтау қаласы аумағына жыл басынан бері 8 дана датчик орнатылды.

 «Датчиктер арқылы қала тұрғындары ауа құрамын «Аir.kaz.org» ресми интернет ресурсында бақылай алады. Бұл - «Ақылды қала» эталондық стандарттың міндетеммесі бойынша іске қосылған жоба», - деді Айдын Хадиев.

 Өңірдің ауа сапасын анықтайтын құрылғылар қаладағы 27, 5, 1, 32, 22 және Шығыс-1 шағын аудандарында орнатылды. Арнайы құрал Өмірзақ ауылына да қондырылған. Эко станциялары PM-2.5, PM-10 көрсеткіштері арқылы ауа ластану деңгейін бақылай алады.

 Сондай-ақ, азаматтар өтініштерін «Smart Aktau» мобильді қосымшасы арқылы «109» бірыңғай коммуналдық орталығына жолдай алады. Тұрғындар ауа сапасы және өзге де ақпаратты «Аirkaz.org» сайты мен «Smart Aktau» мобильдік қосымшасында ала алады.