Форт-Шевченко қаласында 3 қабатты 4 тұрғын үй салынып жатыр

Тұрғын үйлердің құрылысы «Нұрлы жер» бағдарламасы аясында жүзеге асырылады. Мердігер мекеме «Альянс ЛТД» ЖШС. Нысан 2022 жылдың І тоқсанында пайдалануға беріледі деп жоспарланған.

 «Аудандағы тұрғын үйге деген кезекті жою мақсатында 2020 жылы «Нұрлы жол» бағдарламасы аясында Форт-Шевченко қаласынан 48 пәтерлік 1 тұрғын үй, 16 пәтерлік 1 тұрғын үй және 8 пәтерлік 2 тұрғын үй, барлығы 80 пәтер халық игілігіне берілді. Биыл Форт-Шевченко қаласындағы 3 қабатты жалдамалы төрт тұрғын үйдің құрылысы қарқынды жүруде. Аталған нысанның үш қабаты қаланып, ішкі инженерлік желілерін тарту жұмыстары жүріп жатыр. Жаңа үй инженерлік желілерінің сыртқы құрылыс жұмыстары аяқталғаннан кейін, 2022 жылдың І тоқсанында тапсырылады», - деді Түпқараған аудандық құрылыс бөлімінің басшысы Нұртай Мұхан.

Түпқараған ауданы әкімдігінің баспасөз қызметі