Бейнеулik спортшылар халықаралық жарыстарда топ жарды

Ресей федерациясы Уфа қаласында UWW Грэпплингтен кадеттер мен жастар арасында әлем чемпионаты өтті. Жарысқа Бейнеу ауданынан 3 спортшы қатысты. Бұл туралы спортшылардың бапкері Жеңіс Қайранов мәлім етті.

Әлем біріншілігінде Әзірбайжан, Армения, Беларусь, Венгрия, Испания, Италия, Қырғызстан, Литва, Ресей, Филлипин, Хорватия, Қазақстан елінен барлығы 150-ге жуық спортшы қатысты. Спортшылар 16-17, 18-20 жас бойынша сынға түсті.

«Бұл әлем чемпионаты өте жоғары деңгейде өтті. Енді алдағы желтоқсан айында өтетін 2006-2007, 2008-2009 жылғы жастар арасында өтетін әлем чемпионатына дайындықты бастап кеттік. Оған Маңғыстау облысынан 5 спортшы жолдама алды», - деді бапкер Жеңіс Қайранов.

Азамат Давлетумбетов грэпплингтен 16-17 жас аралығындағы қатысушылар арасында 50 келі салмақ дәрежесінде бірінші орынды жеңіп алды. Ал 18-20 жас аралығында 62 келі салмақ дәрежесінде Бекзат Қапашов үшінші орын иеленді. Дәәл  осы жас аралығында 66 келі салмақ дәрежесінде Райыс Жеңісұлы екінші орынға ие болды.

БЕЙНЕУ АУДАНЫ ӘКІМДІГІНІҢ БАСПАСӨЗ ҚЫЗМЕТІ