Алтын сапа - табыс кілті
Курс валют в Актау
на 22/08/2019
 
385.33
388.34
 
427.21
431.53
 
5.72
5.86
Номер редакции: 8 (7292) 53 34 53
Номер журналиста: 8 707 900 67 10
Рекламный отдел: 8 707 040 14 81
site@tumba.kz
ПОДАТЬ ОБЪЯВЛЕНИЕ
Четверг,
22 Августа, 18:46
Вход |Регистрация
Главное » Тыныс

Алтын сапа - табыс кілті

12 Августа 2019 (13:14) | 407 | Автор: Нурганым Имашева

Маңғыстау облысында «Алтын сапа» өңірлік іріктеу байқауы мен «Қазақстанның үздік тауары» көрме-байқауы өтеді. «Алтын сапаға» қатысу үшін жергілікті 30 кәсіпорыннан өтінім келіп түсті. Бұл туралы өңірлік Кәсіпкерлер палатасының баспасөз қызметі хабарлайды.

 

 

Ұйымдастырушылардың мәлімдеуінше, «Байқаудың негізгі мақсаттары: отандық өнімнің сапасын арттыруға бағытталған жеке және заңды тұлғалардың қызметін жандандыру; Қазақстан нарығын жоғары сапалы және бәсекеге қабілетті өніммен толықтыруға жәрдемдесу; отандық және халықаралық стандарттар негізінде басқарудың және сапаны қамтамасыз етудің заманауи әдістерін кеңінен енгізуге алғышарттар жасау және жәрдемдесу; сапа проблемаларын шешу қажеттілігіне өнеркәсіптік, коммерциялық және қоғамдық ұйымдардың назарын аудару; халық арасында сапа идеясын насихаттау».

 

 

Бұл бәсекеге қатысушылардың бірі - "Каскор-Машзавод" АҚ. 200-ге жуық адамды жұмыспен қамтып отырған кәсіпорын мұнай құбырларын, сорғы-компрессорлық құбырларын өндіріп келеді. Өткен жылы 19 мың тн өнім шығарған. Сондай-ақ, «Волна» Ақтау кондитер фабрикасы да өз тәттілерін додаға салады. 2018 жылы 487 тн кондитер өнімдерін нарыққа шығарған іргелі кәсіпорын сапалы өнімдері үшін 5 рет алтын жүлдемен марапатталған. Халықаралық деңгейдегі бәсекелестеріне дес бермеген отандық өнімдер Ганновер, Измир, Милан көрмелеріне де қатысты. «Сенек» ЖШС де қатысушылардың қатарында. Асыл тұқымды жылқы, қаракөл қойларын өсіру, ауыл шаруашылығы өнімдерін өңдеумен айналысатын серіктестік былтыр 12 млн тг жуық табысқа өнім шығарған. Боялған қой жүні мен елтіріден тон, күрте, жеңсіз сырт киім, бас киім, қолғап т.б. тігіп, тоқып келеді. Осы еңбектері түрлі дәрежеде елеусіз де қалмады.

 

"Маңғыстаудың үздік тауары" аймақтық көрме-конкурсының лауреаты, "Халық тұтынатын үздік тауарлар" аталымында 2-ші орын, "Қазақстанның үздік тауары" республикалық көрме-байқауына белсенді қатысушы, "Сала көшбасшысы" ұлттық сертификатқа ие.

 

 

Айтулы байқауға ұсынылған кәсіпорынның қаржылық тазалығы, қарыздары мен берешектерінің болмауы толық тексерілді. Байқауға ҚР аумағында сапалы жасалған кез-келген тауар түрлерін өндіруші компаниялар қатыса алады. «Алтын сапаға» 3 жыл нарықта жұмыс істеген, ал «Қазақстанның үздік тауарына» 2 жыл өнім өндірген кәсіпорындар өтініш беріп отыр.

 

«Алтын сапа» сыйлығын алу байқауында сыйлықтар шағын кәсіпкерлік субъектісіне, орта кәсіпкерлік субъектісіне және ірі кәсіпкерлік субъектісіне төрт аталым бойынша беріледі:

 

• «Өндірістік мақсаттағы үздік кәсіпорын»;

 

• «Халыққа арналған тауар шығаратын үздік кәсіпорын»;

 

• «Қызмет көрсететін үздік кәсіпорын»;

 

• «Азық-түлік тауарлары және /немесе ауылшаруашылық өнімдерін шығарушы үздік кәсіпорын».

 

 

Сонымен қатар кәсіпорындарды байқауға қатысуға ынталандыру үшін «Алтын сапа» лауреаттарына 1 млн. теңге көлемінде сыйақы беріледі. Ал, «Қазақстанның үздік тауары» көрме-байқауында кәсіпкерлер үш аталымда жеңімпаз болады:

 

• «Өндірісітік мақсаттағы үздік тауар»;

 

• «Халыққа арналған үздік тауар»;

 

• «Үздік азық-түлік тауары».

 

Биыл атаулы байқаудың өңірлік іріктеуі 14 тамыз күні Ақтау қаласында өтеді7

 

Суреттерді түсірген өңірлік Кәсіпкерлер палатасының баспасөз қызметі

Подписывайтесь на наш Telegram канал -
будьте в курсе всех новостей
Присылайте свои новости на WhatsApp
+7 747 353 00 03
Нашли ошибку? Выделите и нажмите Ctrl+Enter
КОММЕНТАРИИ:
нет комментариев
ДОБАВИТЬ КОММЕНТАРИЙ
Комментарии могут оставлять только зарегистрированные пользователи.
Зарегистрируйтесь или войдите в систему