Мұнайлыда биыл 550 отбасы баспаналы болады

Бұл туралы өңірлік коммуникациялар қызметі алаңында өткен брифингте Мұнайлы ауданының әкімі Рахат Елтизаров мәлімдеді.

-Аудан бойынша тұрғын үйге мұқтаж 2 647 адам кезекте тұр, оның 426-сы көпбалалы аналар. Бүгінге дейін ауданда 232 пәтерлі, жалға берілетін тұрғын үй, 100 орынды отбасылық жатақхана берілді. Сонда барлығы 332 отбасы.

Ал «Дипломмен ауылға» бағдарламасы бойынша 50 адамға баспана беріледі. 1-шілдеге дейін тағы 120 пәтер береміз деп отырмыз. Сонда 550 отбасы баспаналы болғалы отыр, - деді аудан әкімі.

Қазіргі таңда, Маңғыстау ауылынан 24 пәтерлік 30 тұрғын үйдің жобалық сметалық құжаттары және Батыр ауылдық округінен 4 пәтерлі 20 тұрғын үйдің құрылысының құжаттары әзірленуде.

Бұл ақпаратты біздің басылымға өңірлік коммуникациялар қызметі жолдады.

Суреттер tumba.kz , mail.kz сайттарынан алынды