Ақтауда 560 адамға тегін құықтық кеңес берілді
Курс валют в Актау
на 17/12/2018
 
368.88
372.64
 
418.97
423.68
 
5.5
5.66
Номер редакции: 8 (7292) 53 34 53
Номер журналиста: 8 707 900 67 10
Рекламный отдел: 8 707 040 14 81
site@tumba.kz
ПОДАТЬ ОБЪЯВЛЕНИЕ
Понедельник,
17 Декабря, 06:19
Вход |Регистрация
Главное » Тыныс

Ақтауда 560 адамға тегін құықтық кеңес берілді

5 Декабря 2018 (09:19) | 466 | Автор: Нурганым Имашева

Бас аяғы 4 сағатқа созылған «Халықтық заңгер» жалпыреспубликалық акциясы кезінде, 45 мемлекеттік орган мамандарының көмегіне жүгінген қала тұрғындары тегін құқықтық көмек алу мүмкіндігіне ие болды.

 

 

Сот, прокуратура, әділет, үкіметтік емес ұйымдар, жергілікті атқарушы органдарының заңгерлері, кәсіби адвокаттар мен нотариустар 560 адаммен тілдесті.

 

Шараны ұйымдастырған - Қазақстан Республикасы Мемлекеттік қызмет істері және сыбайлас жемқорлықққа қарсы іс-қимыл Агенттігінің Маңғыстау облысы бойынша департаменті.

 

Акцияның мақсаты - кез-келген құқықтық мәселе бойынша халыққа білікті тегін заң көмегін көрсету. Оған түрлі саладағы кез-келген құқықтық мәселе жөнінде тұрғындарға тегін әрі білікті заңнамалық көмек көрсетілді. Кеңес алуға келгендердің басым бөлігін жер учаскелерін алу, баспаналы болу, сапалы білім, әлеуметтік көмек, бизнесті қолдау және медицина саласына қатысты сауалдар толғандырған.

 

ҚР Мемлекеттік қызмет істері және сыбайлас жемқорлықққа қарсы іс-қимыл Агенттігінің Маңғыстау облысы бойынша департаменті сыбайлас жемқорлық профилактикасы басқармасының басшысы Нариман Айтжанов, маңғыстаулықтар бұл шараға аса қызығушылық танытқанын айтады. Тұрғындар білікті заңгерлер мен құзырлы мекеме өкілдерімен тікелей тілдесіп, өздерін толғандырған сұрақтарға тұшымды жауаптарын алды.

 

 

-Құқықтық мүдделі мемлекеттік органдардың өкілдері де белсенді екендігін айта кету керек. Бұл жердегі басты мақсат - тегін құқықтық қызмет көрсету. Оның өзі үлкен мәселе болып табылады.

 

Себебі көпшілікке мәлім кейбір ақылы түрдегі заңды қызмет ала алмайтын азаматтарымыз бар. Және де тиісінше осы құқықтық көмек көрсетіп отырған мемлекеттік органдардың өкілдері әрі қарай осы азаматтардың мәселелерін түпкілікті, заң жүзінде шешуге талаптанатын болады, - дейді Нариман Айтжанов.

 

Айта кету керек, аталмыш жалпыреспубликалық шара «Халыққа бір мезгілде тегін құқықтық кеңес көрсету» аталымы бойынша Гиннестің рекордтар кітабына өтінім берген. Қазіргі таңда арнайы комиссия барлығының да ережеге сәйкес өткенін тексеруде.

 

Суреттерді түсірген Департаменттің баспасөз қызметі

Подписывайтесь на наш Telegram канал -
будьте в курсе всех новостей
Присылайте свои новости на WhatsApp
+7 747 353 00 03
Нашли ошибку? Выделите и нажмите Ctrl+Enter
КОММЕНТАРИИ:
нет комментариев
ДОБАВИТЬ КОММЕНТАРИЙ
Комментарии могут оставлять только зарегистрированные пользователи.
Зарегистрируйтесь или войдите в систему