Ақтауда«Серпін» әлеуметтік жобасы бойынша 10 ЖОО-на қабылдау басталды

Жылдағы дәстүр бойынша Маңғыстау облысына «Мәңгілік ел жастары – индустрияға!» «Серпін» әлеуметтік жобасы аясында арнайы бекітілген он жоғарғы оқу орнына үміткерлерден құжаттар қабылдау үшін білім ордаларының өкілдері келді.

         Бүгінгі таңда абитуриенттерден құжаттар қабылдауды бастап кеткен 10 ЖОО мыналар:

1. Шәкәрім атындағы Семей мемлекеттік университеті;
2. Ш.Уалиханов атындағы Көкшетау мемлекеттік университеті;
3. Қарағанды мемлекеттік индустриялық университеті;
4. Жәңгір хан атындағы Батыс Қазақстан аграрлық-техникалық университеті;
5. Жұбанов атындағы Ақтөбе өңірлік мемлекеттік университеті;
6. М.Өтемісұлы атындағы Бастыс Қазақстан мемлекеттік университеті;
7. С.Бәйішев атындағы Ақтөбе университеті;
8. Ө.Байқоңыроы атындағы Жезқазған университеті;
9. Х.Досмұхамедов атындағы Атырау мемлекеттік университеті;
10.  Қостанай мемлекеттік университеті.

Жобаға қандай аймақтағы жастар және қалай қатыса алады?

1. Еңбек күші артығымен орналасқан 5 өңір жастары (Алматы, Жамбыл, Қызылорда, Маңғыстау, Түркістан облыстары);
2. ҰБТ немесе КТ-дан шекті (50 баллдан жоғары) және одан да жоғары балл жинаған талапкерлер;
3. ҰБТ-ға қатыспаған, КТ тапсырғаннан кейін, былтыр немесе оған дейінгі жылдары мектеп немесе колледж бітіріп, ЖОО түсе алмаған жастар;
4. Егер бейіндік пәні және басқа пәндерден 5 баллдан аз алсаңыз, конкурсқа қатыса алмайсыз.

Талапкерлерден қандай құжаттар талап етіледі?

1. Жеке куәлік (2 дана көшірмесі);
2. Аттестат, куәлік қосымшаларымен (түпнұсқа мен көшірмесі);
3. ҰБТ немесе КТ сертификаты;
4. Фотосурет 3х4 (6 дана);
5. 086-У үлгісіндегі медициналық анықтама, 063 үлгісіндегі егу картасы мен ағымдағы жылғы флюрокадр (рентген суретімен бірге);

Конкурсқа қатысу құжаттарын қашан және қайда тапсыра аласыз?

1. Жоғарғы оқу грант иегері атану үшін, конкурсқа қатысу құжаттары 18-26 шілде аралығында қабылданады.

Қабылдау комиссиясы Маңғыстау облысы, Ақтау қаласы, 32 ш/а., Ш.Есенов атындағы Каспий мемлекеттік технологиялар және инжиниринг университетінде орналасқан;

2. Колледж грантының иегері атану үшін шілде, тамыз айлары аралығында құжаттар қабылданады.

Қабылдау комиссиясы Маңғыстау облысы, Ақтау қаласы, 3 «Б» ш/а., Маңғыстау энергетикалық колледжі және Жаңаөзен қаласы, қалалық білім бөлімінде орналасқан.

Суреттерді түсірген Жанаман Бақтөреев