Елорда тарихымен танысты

ҚР Ауылшаруашылық Министрлігінің Агроөнеркәсіптік кешендегі Мемлекеттік инспекция комитетінің Маңғыстау облыстық аумақтық инспекциясында Қабиболла Сыдиықов атындағы әмбебап кітапхананың ұйымдастыруымен «Астана – Қазақстанның жүрегі» атты көшпелі көрме өткізілді.                  

Көрмені кітапханашы Нағашыбаева Райхан ашып, Елорданың Алматыдан Ақмолаға көшіру, Ақмола атауы Астана болып өзгертілуі тарихы, Астананың қазіргі келбеті, жетістіктері, даму бағыттары, ескерткіштері мен сәулет ғимараттары туралы айтып, көрермендер назарына Астананың өткені мен болашағы туралы «Қазақстандағы жемісті 20 жыл», «Жерұйығы елімнің Астана», «Казахстаника», «Алтын арна», «Астана», «Президент және ЭКСПО» фотоальбомдарымен таныстырып, «Астанаға 20 жыл» арнайы репортаж және «Астана – Қазақстанның жүрегі» атты деректі фильмі көрсетілді.           

Инспекция басшысының м.а. Ж.Амантурлыев ұйымдастырушыларға ризашылығын білдіріп, шараға қатысушыларды Астана күні мерекесімен құттықтап, Тәуелсіздігіміздің бойтұмары – Астана күнінің ел өміріндегі тарихи оқиғалар тізбегінен орын алатын ерекше күн бола беретіндігі жөнінде сөз етті.

Гүлнар Кощиева Кадр, ұйымдастыру-құқықтық қамтамасыз ету бөлімінің басшысы  

Суреттер автордыкі