Балаларды өрттен сақтандырып, құтқарушы мамандығын таңдауға бағыттау жүргізілді

Жуырда Қарақия ауданы Құрық селосында орналасқан №2 өрт сөндіру бөлімінде «Ашық есік күні» өткізілді.

«Ашық есік» іс-шарасына  «№6 орта мектебінің» 9-сынып оқуышылары қатысты.

Аталмыш шара жылыту маусымының жалғасуына байланысты балаларға сақтық шараларын қатаң сақтау жөнінде түсіндірме жұмыстарын жүргізумақсатында кездесу  түрінде ұйымдастырылды.

Балаларға отпен ойнамауға, отты пайдалану кезінде асыра пайдаланбауға, жарақаттанғанда немесе оқыс оқиға орын алғанда тез арада үлкендерге ескертуге, көмекке шақыруға және т.б. қауіпсіздік шараларының сақталуы түсіндірілді.

Сонымен қатар өрт қауіпсіздік шараларын әрдайым сақтап жүрулері де қатаң ескертілді.

Түсіндірме жұмыстары аяқталған соң оқушыларға өрт сөндіру бөлімінің алаңында өрт сөндіру техникасымен қатар құтқарушылардың құрал-жабдықтары, бөлімнің ішкі жұмыстары, жатақхана, радио байланысшы бөлмелерімен  қоса бөлімге тиесілі жайлар, жалпы өрт сөндіруші-құтқарушы мамандығына бағыт-бағдар беру мақсатында аудандық төтенше жағдайлар бөлімінің тыныс-тірлігі таныстырылды.

Қарақия ауданы Төтенше жағдайлар бөлімібастығының м.а. азаматтық қорғау аға лейтенанты Данияр Елшібаев

Суреттерді түсірген Қарақия ауданы Төтенше жағдайлар бөлімі