Аймақтың өткен жылы қол жеткізген табыстары жайында

Бүгін Маңғыстау облысының әкімі Ералы Тоғжанов аймақ тұрғындары алдында есеп беріп, 2017 жылды қортындылады.

-Экономиканың барлық саласын, әлеуметтік, тұрғын-үй коммуналды және тағы да басқа салаларын цифрландыруға көшіру мақсатында ағымдағы жылы Бейнеу, Қарақия, Маңғыстау аудандарының 12 елді мекендерін кең жолақты интернетке қосу жұмыстары аяқталады. Қаржысы 100% шешілді. Қалған елді мекендер интернетпен толықтай қамтылған.

Облыста 2017 жылы 26 балабақша пайдалануға берілді, оның ішінде 25-і жеке инвестиция есебінен. 3-6 жас аралығындағы балаларды балабақшамен қамту көрсеткіші 93%. Жыл соңында бұл көрсеткішті 100%-ға жеткізу жоспарлануда.

«Облысымызда туу көрсеткіші жоғары. Осыны ескере отырып, үш ауысымды оқытуды болдырмау үшін жаңа мектептер салынуда. Биыл 9 жаңа мектеп пайдалануға. Тағы да 3 мектеп салуды жоспарлап отырмыз. Олар – Ақшұқыр ауылында 600 орындық мектеп, Атамекен және Басқұдық ауылдарындағы мектептерге әрқайсысы 320 орындық қосымша ғимарат», - деді облыс әкімі Ералы Тоғжанов.

Аймақтағы ауылшаруашылығы өнімдерін өңдеу туралы.

Өңір басшысының мәлімдеуінше, «Облыста бір жылдың ішінде жаңа 12 жылыжай іске қосылып, жалпы саны 27-ге жетті.

Іске қосылған ірі жобалар:

 - Түпқараған ауданында жылына 650 мың тонна бөтелкедегі түйе сүтін өндеу «Ағарған» зауыты (2018 жылы жобалық қуатына толықтай енеді);

- Маңғыстау ауданында «Накхан» және Қарақия ауданында «Сенек» шаруа қожалықтарының қымыз өндеу цехтары (жалпы қуаты жылына 46 мың тонна);

- Ақтау қаласында голландиялық технологиямен жасақталған қуаты 1500 тонна көкөніс қоймасының 1-кезеңі (жалпы қуатты 3000 тонна, қазіргі таңда жабдықтарды орнату жұмыстары жүргізілуде).

Биыл тағы да 4 жобаны іске асыру жоспарланды:

- Ақтау қаласында салынатын қуаты 4250 тонна  көкөніс қоймасы (МЖӘ арқылы);  

- Қарақия (Сенек), Түпқараған (Ақшұкыр) және Мұнайлы (Басқұдық) аудандарында 2 мың тонна көкөніс өнімдерін өсіруге арналған 3 жылыжай.Қазіргі таңда өңірді өз көкөніс тауарымен қамту 10% болса, көрсетілген жобалар іске қосылған кезде бұл көрсеткішті 20%-ға дейін жеткізу мүмкіндігі бар.  2017 жылы Маңғыстау облысында 20 кооператив құрылды».      

Суреттерді түсірген Малика Хамракулова