Маңғыстаулық құтқарушылар теңіз жағасында Бейнеу ауданының тұрғынын суға батудан құтқарды

2017 жылдың 22 қыркүйегінде Ақтау қаласының 1 шағын ауданында, шомылуға жасақталмаған жерде, 150 метр қашықтықта Маңғыстау облысы Төтенше жағдайлар департаментінің «Жедел құтқару жасағының» құтқарушылары Хамит Аскар, Ермек Айдарбеков, Төребек Құлжабаев 2000 жылы туылған Бейнеу ауданың тұрғынын құтқарып қалды.

Судан құтқарылған жасөспірімге алғашқы медициналық көмек көрсетіліп, үйіне қайтарылды.

-Ескерте кетейік, шомылу маусымының басынан бастап құтқарушылар күнделікті қала жағажайларына шолу жасайды.

Құтқарушылармен бірге қала тұрғындары арасында үгіт-насихат жұмыстарын еріктілер жүргізеді: ескерту парақтарын таратады, аула клубтарындағы балалармен кездеседі, жағажайға шолу жасайды,- деп хабарлайды Маңғыстау облысы Төтенше жағдайлар департаментінің баспасөз қызметі.