Кәсіпкерлердің талап арыздары қаралды

Жылыжай шаруашылығын дөңгелетіп, жергілікті халықты көкөніс пен қамтып отырған кәсіпкерлердің бүгінде мұқтажы азаяр емес. Тоқ пен су тарифының дұрыс--бұрыстығын тексеру үшін Ақшұқырлық кәсіпкерлер «Атамекен» кәсіпкерлер палатасы мамандарының қызметіне жүгінді.

Нәтижесінде, бүгін тоқ пен суға жауап беретін мүдделі органдар басшыларымен Ақшұқыр ауылының әкімінің қатысуымен диалог алаңы өтті.

Жиын барысында тарифтердің бағасы талқыланып, «Каспий жылы, су арнасы» ММ бас инженері Асқар Дүзмағанбетов пен «ҚазСушар» РМК тұтынушы өкілдері Е. Бихасимова, Қ. Жалғасбаев кәсіпкерлерге су бағасы жөнінде толыққанды ақпар берді.

Су субсидиясының берілу жолдары мен тоқтың мәселесі жан-жақты қаралды.

Нәтижесінде, Ақшұқырдағы тоқты қосып беретін мекеме құжаттары толыққанды дайын болған соң, кәсіпкерлерге тоқ жүргізуге уәде берді. 

Осылайша, «Атамекен» кәсіпкерлер палатасының араласуымен кәсіпкерлер және атқарушы орган өкілдері ортақ мәмілеге келді.