Татарлардың «чак-чак байрам» мерекесі өтті

Ақтау қаласының Достық үйінде «Булгар» татар этномәдени бірлестігі «Чак - чак Байрам» мерекесін атап өтті. Мереке 1 мамыр – Қазақстан халқының бірлігі күні аясында ұйымдастырылды.

Татар этномәдени бірлестігі ұйымдастырған «чак-чак» бмейрамына өзге де этномәдени бірлестігінің төрағалары мен өкілдері қатысып, қуаныштарына ортақтасты. «Булгар» татар этномәдени бірлестігінің төрағасы Фандаль Сахибгареев «Чак - чак Байрам» мерекесінің халықтардың қонақжайлық салт-дәстүрін, татулықты насихаттайтын, бауырмалдықты нығайтатынын атап өтті. Ол Қазақстан халқының бірлігі күні қарсаңында өтуде, - дейді Фандаль Сахибгареев.

Іс-шарада ән шашу мен бидің түр-түрі орындалды. Қонақтар ұлттық тағамдар мен чак-чактан ауыз тиді. Ең бастысы- жиналғандар тамаша көңіл-күйге бөленіп, әр түрлі халықтар бас қосқан рухани біртұтастық іс-шарасына айналды.