Итбалықтардың өліміне не себеп?

Осыдан үш күн бұрын Форт-Шевченко қаласы маңындағы теңіз жағалауынан 8 өлі итбалық табылған болатын. Бүгін орман шаруашылығы және жануарлар әлемі аумақтық инспекциясының Түпқараған аудандық бөлімінің мамандары тағы оншақты итбалықтың өлі денесін тауып алды. Осылайша, екі-үш күн ішінде жағалаудан жиырма шақты өлексе жиналды.

Мамандар итбалықтардың қырылуына браконьерлер себепші болуы мүмкін дейді. Сүтқоректілердің денелерінен балық ауларының іздері анық байқалады. Әбден иістеніп, шіріп кеткендіктен өлекселерді сараптамадан өткізу мүмкін емес. Сондықтан да арнайы полигонға апарып, өртемекші. Қазір мамандар күштейліген кесте бойынша жұмыс істеп, Каспий жағалауын тексеріп жүр.