ЭКСПО билеттері сатылып жатыр

«ЭКСПО-2017» көрмесіне билет сататын кассалар ашылды. Алты айдан бері билеттер онлайн тәртіпте сатылып келсе, енді оны қолма-қол алуға болады. Әлемдік шарадан қалыс қалмайық деген ақтаулықтар билет алуды бастап кетті. Қазірдің өзінде облыс аумағында 500 де аса билет сатылып үлгерген»,-деп хабарлайды «Қазақстан-Ақтау» телеарнасы.

Кассалардағы билет бағасы жұмыс күндеріне 3 мыңнан 6-мыңға дейін болса, демалыс күндеріне 6 мыңнан 8 мың теңгеге дейін сатылуда. Әр адам 50 билетке дейін сатып ала алады. Билеттер тек облыс орталығында ғана емес сонымен қатар «Қазпошта» бөлімшесі бар кез келген аудан, ауылда да сатылып жатыр.

Гүлнара Қолғанатова – «Қазпошта» АҚ қаржы бөлімінің бас маманы:

-Жұмыс күндері таңғы сағат 9-дан 11 ге дейін тек жәрмеңкені көріп кетеді. Ал, демалыс күндері 9-дан 11 ге дейін жәрмеңкеге қатыса алады. Соған қарай 1000 теңге дей қымбат. Егер де сіз барам деген күні бір жағдай болып бара алмай қалсаңыз билетті 10 қыркүйекке дейін бір апта бұрын тапсырып кете аласыз.

ЭКСПО-ға соғыс ардагерлері, кез келген топтағы мүгедектер, жетім балалар мен 6 жасқа дейінгі балалар тегін кіре алады. Ал, мектеп оқушылар, студенттер, зейнеткерлер мен көп балалы аналар билетті 50 пайыздық жеңілдікпен ала алады.