Өнерімен Маңғыстаудың абыройын асқақтатқан бүлдіршін

Елорда төрінде "Өнер - білім" орталығының ұйымдастыруымен балалар мен жасөспірімдер арасында "Ынтымақ" республикалык балалар байкауы өтті.

Аталмыш өнер додасында Маңғыстаудың намысын 5 жасар Тұмарым Сұлтан қорғады. "Хиуаз" балабакшасының тәрбиеленушісі Тұмарым Сұлтан байкаудың қорытындысында телевизиялық жобаның бас жүлдесін қанжығалап және хореография бөлімі бойынша екінші орынды иеленді.

-Байқауға тыңғылықты дайындаган "Мұнара" би ансамблінің жетекшісі Мұрат Камилаға алғыс айтамыз. Өнерлі балапанымыздың шығармашылығын шыңдау үшін біз қолымыздан келген дүниенің барлығын жасаймыз.

Бұл жолы Нұр - сұлтан қаласында өткен республикалық байқауға немерем Тұмарым анасымен бірге барып, қатысып, қанжығасы майланып қайтты. Қызымыз осыдан екі жыл бұрын "Маңғыстау-Медиа" орталығы ұйымдастырған Тәуелсіздік күніне арналған облыстық байқауда жүлделі орынды иеленіп, мерейімізді тасытқан болатын.

Сонымен қатар биыл маусым айында өткен "Жұлдыз болғым келеді" атты I республикалық онлайн байқауда жүлделі екінші орынды иеленіп, тағы қуантты. Өнерлі қызғалдағымыздың жолы ашық болып, әрдайым өнердің шыңынан көрінсін дегім келеді,-дейді Тұмарымныяң әжесі Камиля Алмағанбетова.

Суреттер отбасы мұрағатынан алынған