Ардагерлер бильярд ойнап жарысып жатыр

Биыл еліміздегі ардагерлер ұйымының құрылғанына 30 жыл. Осыған орай, республикалық ардагерлер Кеңесі алдағы сәуір айында ардагерлер ұйымының құрылғанына 30 жыл толуын атап өтуге шешім алған.

Мерейтойды кең көлемде атап өту шаралары біздің өңірімізде басталып кетті. Маңғыстау облыстық ардагерлер Кеңесі осы 30 жылдыққа арнап, бүгін «Раxат» қонақ үйінің бильярд залында ардагерлердің бильярдтан облыстық жарысын өткізуде.

Жарысқа Маңғыстау облысына қарасты аудан, қалаларының ардагерлер Кеңестерінің ұсыныстарына сай 22 ардагерлер қатысып, өзара мықтыны анықтап жатыр. Жарыстың салтанатты ашылуында облыстық ардагерлер Кеңесінің төрағасы Серікбай Төлетов қатысушыларды Амал мерекесімен құттықтады, ал, облыстық бильярд федерациясының президенті Ербол Мұнлықов ойынның тәртібімен таныстырды.