Мас күйінде үшінші рет ұсталған азамат қамалды

Жаңаөзен қаласының мамандандырылған әкімшілік  сотында азамат Р-ға қатысты әкімшілік іс қаралды.              

Сот отырысында анықталғандай, азамат Р. одан алдын  екі рет қоғамдық орында ішкілікті күйде жүргені үшін  әкімшілік жауапкершілікке тартыла тұра, ескіру мерзімі аяқталмай, тағы да Жаңаөзен қаласы, Көктем шағын ауданы, «Марал» мейрамханасының жанында ішкілікті күйде келе жатқанында полиция қызметкерлеріне ұсталынған.

Сот қаулысымен  Р. Қазақстан Республикасы ӘҚБтК-нің 440-бабы 4-бөлігімен (Осы баптың бірінші және екінші бөліктерінде көзделген, қоғамдық орындарда алкогольдік ішімдіктерді ішкені немесе оларға масаң күйде келгені үшін әкімшілік жазаға бір жыл ішінде екі рет тартылған адам жасаған әрекеттер) кінәлі деп танылып, осы баппен 5 тәулік мерзімге әкімшілік қамаққа алу жазасы қолданылды. Қаулы заңды күшіне енді. Бұл туралы Жаңаөзен қаласының мамандандырылған әкімшілік сотының баспасөз қызметі хабарлады.