Перинаталдық орталықта 3D эндоскопиялық операция жасала бастады

Ендігі жерде облыстық перинаталдық орталықта эндоскопиялық ота «3 Д» өлшемімен жасалады. Озық құрылғының көмегімен 2 аптада мұнда 10 әйелге операция жасалыпты. Жоғары технологиялық интергацияланған ОR1 эндоскопиялық кешен арқылы науқастың ота жасалатын жері үш есе үлкейтіліп көрсетіледі. Бұл туралы Қазақстан-Ақтау» телеарнасында айтылды.

Кеше облыстағы эндохирургияның 5 жылдығына орай ұйымдастырылған конференцияда осы саланың жетістіктері айтылды. Шараға Қазақстандағы эндоскопия қауымдастығының білікті дәрігерлері келді. Профессорлар жергілікті мамандарға «3 Д» өлшемімен эндоскопиялық ота жасаудың озық тәсілдерін түсіндіріп, тәжірибелерімен бөлісті. Ал, жергілікті эндохирургтар мен гинеколог дәрігерлер жасалған күрделі операциялардың бейнежазбаларын көріп, талқылады.

Болат Ишанғали - МО перинаталдық орталығы эндоскопия және реконструктивті гинекология бөлімінің акушер- гинеколог дәрігері:

Осыған дейін 5 жыл бойына біз эндоскопиялық оталарды ОR бірінші нөмірлі құрылғысында ФУЛЛ АЖД өлшемімен жасадық . Ал мына «КАРЛ СТОРЗ» компаниясы жеткізген жаңа құрылғы ағзаның өте нәзік жерлерін үлкейтіп көруге, өте сақтықпен ота жасауға мүмкіндік береді. Біздің кеше ғана ота жасаған науқасымыз аяғынан тұрып кетті.