Ақтауда мектеп оқушысын зорлаған екі жігіт қолға түсті

Фото с сайта 3d-shka.livejournal.com

Ақтау қалалық ішкі істер бөліміне әйел адам 13 жасар қызын зорлап кеткендігі жөнінде арыз түсірген. Қылмыс түнгі уақытта қаладағы шағын аудандардың бірінде көпқабатты тұрғын үйдің ауласында жасалған.

Бүлдіршін қызды екі жігіт зорлаған. Шұғыл іздестіру шарасының арқасында 20-25 жастағы қала тұрғындары қолға түсті.

«Қазір осы оқиғаға байланысты сот-медициналық сараптама тағайындалды. ҚР қылмыстық кодексінің 120 бабы, 3 бөлігі бойынша қылмыстық іс тіркеліп, қос азамат қамауға алынды. Сотқа дейінгі тергеу амалдары жүріп жатыр»,-деп хабарлады Маңғыстау облыстық ІІД баспасөз қызметінің өкілі Азамат Сәрсенбаев.