Ақтауда Төле бидің 360 жылдығына орай танымдық кеш өтті
10 Января 2023 (12:56) | 3574 |
Автор: Редакция
Ақтауда Төле би Әлібекұлының 360 жылдығына орай «Би төресі - Төле би» атты танымдық кеш және кітап көрмесі өтті, деп хабарлайды Қоғамдық коммуникация орталығы қала әкімдігінің баспасөз қызметіне сілтеме жасап.
Танымдық кеште алдымен Ақтау қалалық орталық кітапхананың кітапханашысы Ақниет Әлібаева Төле би бұрышы жайлы толық ақпарат беріп, көрермендерді таныстырып өтті.
Оның айтуынша, мұндай танымдық кештер тарихты жаңғыртуға және ұлы тұлғалардың еңбегін көпшілікке таныстыруға мүмкіндік береді
- Төле би - қазақтың атақты биі, өзінің әділдігімен «Қарлығаш әулие» атанған тарихи тұлға. Ұлы тұлғалардың еңбегі мен шығармашылығын, өмірбаянын көпшілікке таныстыру - бүгінгі танымдық кештің басты мақсаты. Танымдық кеш аясында көрме де ұйымдастырылып, жаңадан келген және мұрағаттағы еңбектерді таныстырып өттік, дейді кітапханашы.
Танымдық кеш тікелей эфирде трансляцияланып, Ақниет Әлібекова кеш барысында тікелей эфирдегі сұрақтарға да жауап берді.
будьте в курсе всех новостей Присылайте свои новости на WhatsApp
+7 777 259 44 50
Зарегистрируйтесь или войдите в систему