Маңғыстауда өңірлік кадр резервіне іріктеу 1 наурызда басталады

Бүгін 1 ақпанда қоғамдық коммуникациялар орталығының алаңшасында ҚР Мемлекеттік қызмет істері агенттігінің Маңғыстау облысы бойынша департаментінің басшысы, Әдеп жөніндегі кеңес төрағасы Тоқтамыс Қадошұлы Жұмағұлов пен Маңғыстау облысы әкімі аппаратының басшысы Амангелді Хаирмұхаммедұлы Халмұрадовтың қатысуымен өңірлік резервке іріктеу мәселесі бойынша арнайы брифинг ұйымдастырылды.

Облыс әкімінің аппарат басшысы А.Халмұрадов резервке іріктеудің негізгі бағыттарымен таныстыра отырып, өңір жастарын іріктеуге белсенді қатысуға шақырды. Тоқтамыс Қадошұлы өз кезегінде іріктеу мерзімдері (1-31 наурыз), іріктеуге қатысушы азаматтарға қойылатын талаптар (жасы 35-тен аспаған, үш жыл еңбек өтілі, жоғары білімі бар Қазақстан азаматы), құжат қабылдауға арналған арнайы https://onir.pkrezerv.gov.kz онлайн платформасы, іріктеу кезеңдері, ассессмент процедурасы және басқа да қажетті ақпаратты журналистердің назарына жеткізді.

Спикердің айтуынша жобаның негізгі мақсаты - жас басқарушылардың өңірлік пулдарын қалыптастыру және өңірлерді дамытуға талантты жастарды тарту. Іріктеуді облыстың Кадр комиссиясы жүзеге асырады.

Өңірлік резервке алынған адамдар сайланатын лауазымдарды қоспағанда, жергілікті атқарушы органдарда «Б» корпусының мемлекеттік әкімшілік лауазымдарына орналаса алады.

Өңірлік резерв бойынша толығырақ ақпаратты 8/7292/30-36-43, 30-36-44 телефондары арқылы аумақтық департаменттің мемлекеттік қызмет басқармасынан алуларыңызға