Ақтауда тегін стартап-инкубатор іске қосылды

Ақтауда «Astana Hub» базасында құрылған «Startup Orda» тегін стартап-инкубаторы ашылды, деп хабарлайды Қоғамдық коммуникация орталығы Маңғыстау облысының цифрлық технологиялар басқармасына сілтеме жасап.

Тиісті келісімге басқарма, «Mediana Services Limited» IT-компаниясы, «Astana Hub» халықаралық IT-паркі және «QazInnovations» АҚ қол қойды. Осылайша ұйымдастырушылар стартап мәдениеті мен IT қозғалысын Алматы мен Астанада ғана емес, Ақтауда да дамытуға болатынын көрсеткісі келеді.

«Startup Orda» тегін стартап-инкубаторының көмегімен сертификатталған спикерлермен оффлайн және онлайн сессиялар, семинарлар, шеберлік сабақтарын өткізуге, нөлден бастап ІТ-жобаны іске қосу негіздеріне үйретуге болады. Идеяны жүзеге асырғаны үшін ақшалай сыйлық ұтып алуға да мүмкіндік бар.

-30 семинар, шеберлік сыныптары мен трекерлердің көмегімен стартаптар соңғы «IDEA BATTLE» байқауында инвесторларға өздерін таныстыра алады. Жобаға қатысуға өтінімді https://t.me/startupordaaqtau Telegram каналы және Instagram msa.kz Instagram желімі арқылы жіберуге болады. Қосымша сұрақтар бойынша аймақтық менеджер Әйгерім Мажтайға (тел:+77780304170) хабарласуға болады. Біз Ақтау қаласында болашақ Илон Маск, Марк Цукерберг немесе Стив Джобс шығатынына шын жүректен сенеміз, - дейді ұйымдастырушылар.