Бейнеулік таэквандошылар халықаралық турнирден жүлделі оралды

Бейнеу ауданының 45 спортшысы Қызылорда облысының, Байқоңыр қаласында «Ғарышкерлер күніне» орай таэквандо WT-тан ұйымдастырылған турнирден жүлделі оралды, деп хабарлайды облыстық Қоғамдық коммуникация орталығы.

Бейнеу ауданы әкімдігі баспасөз қызметінің мәліметінше, сайысқа Бейнеу ауданының екі командасы қатысты. Олар Бейнеу аудандық балалар жасөспірімдер спорт мектебінің командасы және «Каспий» спорт мектебінің командасы.

- Бейнеу ауданы бойынша барлығы 50 бала қатысты. Оның 45-і жүлделі орындарға ие болды. Атап айтқанда, 15 бала – 1 орын, 9 бала – 2 орын, 21 бала – 3 орын алған. Бұл өте жақсы көрсеткіш және бұл жетістіктер біздің ауданымызда таэквандоға, жалпы спортқа көп көңіл бөлініп, тиісті қолдау білдіріп жатқандығының арқасында деп ойлаймын, - деді «Каспий» спорт мектебінің жаттықтырушысы Сали Жалғасбаев.

Жарыс сәуірдің 23-30 аралығында өткен.