Түпқарағандық тұрғын автокөлік құрылғыларын жасап шығарумен айналысады

Түпқараған ауданының тұрғыны Қадір Елеусін «Mercedes», «BMW» маркалы автокөліктерге бампер жасап шығарумен айналысады. Бұл туралы ауданының баспасөз қызметі хабарлады.

Жас кәсіпкер «Бизнестің жол картасы – 2025» жобасына қатысып, 5 000 000 тг. көлемінде қайтарымсыз грант ұтқан. Нәтижесінде цех ашып, берілген қаражатқа қажетті құрал-жабдықтарды сатып алды. 

«Біз «Mercedes», «BMW» маркалы автокөліктерге бампер жасап шығарумен айналысамыз. Цехтың ашылғанына шамамен 3 ай болды. Тапсырыс аз емес. Алдағы уақытта бастаған істі дамыту мақсатында заманауи техникалар мен станоктар аламыз», - деді Қадір Елеусін.

Айта кетейік, биыл аталған бағдарлама аясында Түпқараған ауданының тағы бір тұрғыны қайтарымсыз грант ұтып алды. Оған мемлекет тарапынан 4 млн. теңгеден астам қаражат берілген. Жас кәсіпкер шағын ысталған балық цехын жасау жұмыстарын үйлестіруді бастап кетті.