Ел Біріншілігінен бес медаль!

Ақтөбе қаласында кіші жасөспірімдер арасында самбо күресінен ҚР чемпионаты өз мәресіне жетті.Үш күнге созылған бәсекеде Маңғыстау самбошылары - "Жас батырларымыз" аймақтың мерейін бір көтеріп тастады. Жарыс қорытындысы бойынша маңғыстаулықтар 5 медаль: 2 алтын, 2 күміс және 1 қоланы иеленді.

Олар:

41 кг салмақта Өтепберген Жұлдыз – қола жүлдегер;

44 кг салмақта Кеңесбек Мерейлім – алтын медаль иесі;

55 кг салмақта Жұбатқан Нұрсұлтан – күміс жүлде;

60 кг салмақта Сайлаубаев Айбек – алтыннан алқа тақса;

84 кг салмақта Бақтыбай Бейбарыс – күміс жүлдегер атанды.

-Жас батырларымызға алдағы Азия және Әлем чемпионаттарында да, қанжығаларың олжалы болсын деп, Маңғыстау облыстық самбо федерациясының, Маңғыстау облыстық "Жас батыр" мамандандырылған балалар мен жасөспірімдер спорт мектебінің атынан шын жүректен құттықтаймыз!- дейді аталмыш спорт мектебінің басшысы Манарбек Бисекенов.

Суреттер "Жас батыр" спорт мектебінен