Спортшыны тәрбиелегені үшін алғыс білдірді

Маңғыстау облысы ТЖД «Өрт сөндіру және авариялық-құтқару жұмыстары қызметінің» басшылығы аймақтағы өрт сөндіру-құтқару спортын дамытуға, спортшыларды дайындауға, керекті жабдықтар мен киім-кешекке үлкен көңіл бөледі.

Қызмет басшылығы 11 «В» сынып оқушысы Дәурен Құсмановты ҚР ІІМ ТЖК жасөспірімдер арасындағы өрт сөндіру-құтқару спорты бойынша III-ші қысқы чемпионатында қола медаль жеңіп алуымен құттықтады. Дәурен өрт сөндіру-құтқару спорты бойынша Қазақстан Республикасының құрама командасының құрамына кіреді.

Спортшыны тәрбиелегені үшін сынып жетекшісі Капашова Гүлнұр Сұлтанқызына алғыс айтылып, өрт сөндіру қызметінің атынан алғыс хат пен гүл шоғы табыс етілді.

-Біздің спортшыны оқытып, тәрбиелегеніңіз үшін шын жүректен алғыс айтамыз. Әр оқушыға деген сезімталдығыңыздың бен педагогикалық талантыңыздың арқасында балалар мықты білім алып, өз қабілеттері мен таланттарын аша білді. Сіздің еңбекқорлығыңыз, шыдамдылығыңыз, барынша қолдау көрсетуге әзір екендігіңіз үшін сізге үлкен құрмет, – деп атап өтті«Өрт сөндіру және авариялық-құтқару жұмыстары қызметінің» басшының орынбасары Еркінбек Нұрғали өз сөзінде.

Қазіргі уақытта Маңғыстау облысының құрама командасының құрамындағы Дәурен 2019 жылдың маусым айының 11 мен 14 аралығында Петропавл қаласында өтетін ҚР ІІМ ТЖК «Өрт сөндірушілер мен құтқарушылардың спорт федерациясы» ҚБ Кубогына жарысқа кетті. Алда біздің спортшыларымызды Атырау қаласында ерлер арасында өрт сөндіру-құтқару спорты бойынша ҚР ХХVI жазғы чемпионаты және әйелдер арасында ӨСҚС бойынша ҚР VI жазғы чемпионаты, Ақтөбе қаласында жасөспірімдер арасында ӨСҚС бойынша ҚР ІХ чемпионаты күтіп тұр.

Өрт сөндіру-құтқару спорты өрт сөндіру бөлімдерінің жеке құрамының дене дайындығының құрамдас бөлігі болып табылады. Бұл спорт түрінің барлық элементтері өмірден алынған, ол жеңіл атлет жылдамдығын, зілтемірші күшін және гимнастшының ептілігін біріктіреді.

Өрт сөндіруші кедергілерден жылдам өткен сайын, өртті сәтті сөндіреді, баспалдақпен шапшаң көтерілген сайын, ол төтенше жағдайды тезірек жоя алады. Ал рухтың күші мен өзін-өзі ұстау құтқарушыға отпен қауіпті шайқаста іс-қимылдың айқындылығын және ойдың шынайылығын сақтауға көмектеседі,-дейді жағымды жаңалықпен бөліскен Маңғыстау облысы ТЖД Өрт сөндіру және авариялық-құтқару жұмыстары қызметінің мемлекеттік тіл және ақпарат тобы.

Суретті түсірген Рукья Сычева