Приозерный тұрғын үй массивінде «Көктем-2019» Республикалық командалық –штабтық жаттығу шеңберінде судан тазарту бойынша арнайы тактикалық -жаттығу өткізілді

Маңғыстау облысы бойынша су басу кезеңінің өтуі тұрақты болып қалады. Облыс бойынша қар қоры жоқ.

Алайда, жыл сайынғы тәжірибеден байқалғандай, сонымен қатар көптеп жауған жаңбырдан су басу қауіпінің алдын алу бойынша, Маңғыстау облысы Төтенше жағдайлар департаменті Ақтау қалалық Төтенше жағдайлар басқармасы Ақтау қалалық әкімдігімен бірлесіп 2019 жылдың 22 ақпанында «2019 жылғы көктемгі су тасқыны кезеңі шарттарындағы төтенше жағдайларды жою кезіндегі іс-қимылдарға Азаматтық қорғау мемлекеттік жүйесін басқару органдарын, күштері мен құралдарын дайындау» тақырыбы бойынша «Көктем 2019» республикалық командалық-штабтық оқу-жаттығуы республикалық командалық-штабтық жаттығу шеңберінде, Приозерный тұрғын үй массивінде көптеп жауған жаңбырдың суынан тазалау бойынша тактикалық арнайы жаттығу өткізді. АТЖ-ға мекемелер, ұйымдар және БАҚ қатыстырылды.

Келісілген ойластыруы бойынша көктем кезінде шұғыл әрекет ету жасағының әрекетілігі және арнайы техникаларының дайындығы тексерілді.

-Бұндай жаттығулар өте қажет, себебі: біріншіден, шұғыл әрекет ету жасағының әрекеттілігі тексерілді. Екіншіден, арнайы техникалардың дайындығы. Сонымен қатар ең басты мақсат - көктем кезінде өндірістердің, мекемелердің, жергілікті атқарушы органдарының күш-құралдардың тез әрекет етуін тексеру.

Жаттығу барысында барлық тәжірибелік іс-шаралар жасалды. Жаттығу мақсатына жетті, тапсырмалар толық көлемде жасалды. Барлық жұмылдырылған күш-құралдар нақты жасалды, -деп мәлімдеді Маңғыстау облысы Төтенше жағдайлар департаменті Ақтау қалалық Төтенше жағдайлар басқармасының бастығы, азаматтық қорғау подполковнигі Алмаз Искаков.

Жаттығуға барлығы 30 дана техника және 150 адам жұмылдырылды, оның ішінде: «ӨС және АҚЖҚ» ММ, «ЖҚЖ» ММ, «АМО» ММ, «Қала жолдары» ЖШС, «Каспий жылу су арнасы», жергілікті полиция, жедел жәрдемнен, «Ақтау тұрғын үй-коммуналдық қызметі», «Қазтрансгазаймақ» АҚ, АУЭС, ұлттық гвардия №6656 ә/б және Ақтау қаласы әкімдігі ішкі саясат бөлімі.

Бұл туралы бізге Маңғыстау облысы ТЖД Өрт сөндіру және авариялық-құтқару жұмыстары қызметі мемлекеттік тіл және ақпарат тобы хабарлады.

Суреттерді түсірген Рукья Сычева