Ақтаулық тәртіп сақшылары арнайы шара барысында бірнеше құқық бұзушылықты анықтады

-Ақпараттық технологияларды пайдалана отырып, өзге де құқық бұзушылық түрлерін анықтауды арттыру мақсатында ағымдағы жылдың 19-20 ақпан аралығында Ақтау қаласы ПБ Криминалдық полиция бөлімінің қызметкерлерімен «Hі-tech» жедел-профилактиқалық іс-шарасы өткізілді. Шара барысында бірнеше құқық бұзушылық анықталды,-деп хабарлайды облыстық Полиция Департаментінің баспасөз қызметі.

Атап айтқанда, 09.01.2019 жылы сағат 15:00 шамасында Ақтау қаласының тұрғыны арызданған, яғни 06.01.2019 жылы сағат 15:15 шамасында Ақтау қаласынан ғаламтор желісі арқылы пәтер іздеу туралы сұраныс жіберіп отырғанда, белгісіз тұлға ғаламтор арқылы телефон номерге байланысқа шығады. Ақтау қаласы 26 шағын ауданда орналасқан пәтерін 60 000 теңгеге жалға беретіндігін айтып, «Qiwi» терминалы арқылы сол соманы салдыртып, алдап кеткен. Осы дерек бойыша күдікті тұлға анықталып ұсталды. Ол өз кінәсін толықтай мойындады. Аталған дерек ҚР ҚК-нің 190-бабы 2-бөлігімен сотқа дейінгі тергеудің бірыңғай тізіліміне тіркелді. Қазіргі таңда тергеу амалдары жүргізілуде.

«Жаңаөзен қаласы Полиция Басқармасының криминалдық полиция мен анықтау бөлімдерінің қызметкерлерімен бірлесе бұрын болған алаяқтық дерегі ашылды, яғни 2018 жылы қаңтар айының 26-сы күні ер адам «SOFITA» ЖШС-нен несиеге жалпы сомасы 150.000 теңге құрайтын ақшаны заңсыз иемденіп алып, қылмыс болған жерден бой тасалап кеткен. Осы дерек бойынша күдікті анықталып, ұсталды. Аталған дерек ҚР ҚК-нің 190-бабы 2-бөлігімен сотқа дейінгі тергеудің бірыңғай тізіліміне тіркелді. Қазіргі таңда тергеу амалдары жүргізілуде.

Жаңаөзен қаласы ПБ КПБ-нің қызметкерлерімен бұрын болған алаяқтық дерегі ашылды, яғни 2015 жылы «Koлеса.kz» сайтына арзан бағамен автокөлік моторларын сату туралы жалған жарнама орнатылған. Күдікті жәбірленушінің сеніміне кіріп, жалпы сомасы 182.000 теңге ақшасын заңсыз иемденіп алды. Осы дерек бойынша күдікті анықталып, ұсталды. Аталған дерек ҚР ҚК-нің 190-бабы 2-бөлігімен сотқа дейінгі тергеудің бірыңғай тізіліміне тіркелді. Қазіргі таңда тергеу амалдары жүргізілуде.

Тағы бір дерек Маңғыстау ауданы Полиция бөлімінде тіркелді. 19.02.2019 жылы сағат 15:30 шамасында Шетпе селосының базарында орналасқан бутик иесі, ауыл тұрғыны 2 000 теңгеге 4-дана әр түрлі әуендер жазылған дискі сатқаны үшін ұсталды. Тінту кезінде 84-дана осындай дискілер табылып айғақ, зат ретінде тәркіленіп алынды. Аталған дерек ҚР ҚК-нің 198-бабы 1-бөлігімен сотқа дейінгі тергеудің бірыңғай тізіліміне тіркелді. Қазіргі таңда тергеу амалдары жүргізілуде»,- деп мәлімдейді Маңғыстау облысы ПД Баспасөз қызметі.

Суретті ұсынған ПД Баспасөз қызметі