Жаңа жылдық шырша тойланды

Маңғыстау облыстық сотында судьялар мен қызметкерлердің балаларына арналған Жаңа жылдық шырша мерекесі өтті.

Іс-шараға алқа төрағалары, Маңғыстау облысы бойынша Соттар әкімшісінің басшысы қатысты.

Маңғыстау облыстық сотының азаматтық істер жөніндегі сот алқасының төрағасы Нұрсапа Примашев қатысушыларды әлем халықтарының ортақ қуанышына айналған - Жаңа жыл мерекесімен құттықтап, қатысушыларға зор денсаулық, құт-береке, қуаныш, молшылық пен амандық тіледі.

Жаңа жылдық шырша мерекесінде балалар түрлі байқауларға қатысып, ойындар ойнап, би билеп, ән шырқады.

Одан әрі шыршаның шамы жағылып, Жаңа жылдың басты кейіпкерлері – Аяз ата мен Ақшақар балалардың көңіл-күйін көтеріп, сыйлықтар үлестірді.

Бұл туралы біздің басылымға Маңғыстау облыстық сотының баспасөз қызметі хабарлады,

Суреттерді түсірген Маңғыстау облыстық сотының баспасөз қызметі