Маңғыстаулық өртсөндірушілер жылу-түтін камерасында шеберліктерін шыңдады

«Жуырда «МАЭК-«Казатомпром» мемлекеттік емес өртке қарсы қызметінің» базасында Маңғыстау облысы ТЖД өртсөндіру және авариялық-құтқару жұмыстары қызметінің газ-түтінен қорғаушыларымен жылу- түтін камерасында: «қатты түтінденген ортада сығымдалған тыныс алу аппараттарын қолдану арқылы жауынгерлік іс-қимылдар жүргізу» тақырыбында сабақ өтті»,- деп хабарлайды «Маңғыстау облысы ТЖД өрт сөндіру және авариялық құтқару жұмыстары қызметі» Мемлекеттік мекемесінің мемлекеттік тіл және ақпарат тобы.

-Өрт сөндіру кезекшілік қызметінің жедел кезекшісі Жанат Алимбетов жылу түтін камерасында өрт сөндіру бөлімдерінің жеке құрамымен, Қызметтің басқарма аппарат қызметкерлерімен сабақ өткізді.

Сабақта іс жүзінде түтінденген ортадан адамдарды іздестіру, құтқару және алғашқы медициналық көмек көрсету бойынша іс-қимылдар орындалды.

Тыныс алу аппаратының тактика-техникалық мінездемесі және қолданылуы, нормативтік құжаттары бойынша білім деңгейі тексерілді. Жеке құрамның жылу жүктемесі кезінде физикалық дене шынықтыру дайындығын және түтінденген ортада жұмыс жасау деңгейін бағалау өткізілді.

Сабақ қорытындысы бойынша «жақсы» деген баға қойылды,-дейді өртсөндіру қызметінің мемлекеттік тіл және ақпарат тобының жетекшісі Рукья Сычева.

Суреттерді түсірген «Маңғыстау облысы ТЖД өрт сөндіру және авариялық құтқару жұмыстары қызметі» ММ-нің мемлекеттік тіл және ақпарат тобы