«Ақжарма» фольклорлық ансамблі Наурызда Түркменстан мемлекетінде өнер көрсетті

Наурыз - жаңа жыл тойы, көктем мерекесі, күн мен түннің теңелу сәті. Демек, бұл мерекені тойлайтын  халықтар үшін -  аса зор салтанат, ұлы жиын. Орта Азия мен Қазақстан тұрғындары бұл күнді «Самарқанның көк тасы жібіген күн » деп те атайды .

Наурыз достық пен берекенің, ынтымақ пен  бейбітшіліктің мерекесі. Сондықтан Ұлыстың ұлы күнін күллі Түркі әлемі «жаңа күн» деп атап ерекше тойлайды .

Осы орайда М.Өскінбаев атындағы Маңғыстау облыстық филармониясының «Ақжарма» фольклорлық ансамблі көршілес Түркменстан мемлекетіне түркі тілдес халықтардың Наурыз мерекесіне гастрольдік сапармен барып келді.

Түбі бір туысқан халықтар мерекені ерекше тойлап, ән - жырдан шашу шашып, ізгі тілектерін, достық ниеттерін білдірді.

Тарихымыз бен тамырымыз бір, мәдениеті мен тілі ұқсас халықтар қазақ халқыныңың да музыка өнеріне тәнті болды.

«Ақжарма» фольклорлық ансамблі мен ұжым әншілерінің орындауындағы шығармалар мерекеге қатысушы көрерменнің ыстық ықыласына бөленді.

Суреттерді түсірген М.Өскінбаев атындағы Маңғыстау облыстық филармониясының баспасөз қызметі