«Серпін» бағдарламасының гранты бойынша мәлімет

2017 жылдың 23-31 шілдесінде мемлекеттік грант конкурсына, оның ішінде «Серпін» бағдарламасының грантына құжаттар қабылданады. Қабылдау комиссиясы Ақтау қаласындағы Ш.Есенов атындағы КМТжИУ-нің ғимаратында орналасқан.

«Серпін» әлеуметтік жобасына қатысатын жоғары оқу орындары туралы мәліметті www.bolashak-serpin.kz сайтынан таныса аласыздар.

«Серпін» әлеуметтік жобасының облыстық штабы мен жобаға қатысатын жоғары оқу орындарының өкілдері 22 шілдеден бастап Ш.Есенов атындағы КМТжИУ-де ақпараттық-түсіндіру жұмыстарын жүргізеді.

Конкурс нәтижесі 10 тамызға дейін баспасөз беттерінде жарияланады.

Жоғары оқу орнына ақылы негізде түсу үшін 19-24 тамыз аралығында қайтадан ұлттық бірыңғай тестілеу (ҰБТ) және кешенді тестілеу (КТ) өткізіледі.  Қатысу үшін өтініштер 1-8 тамыз аралығында қабылданады.

Педагогика мамандықтарын таңдағандар 20 маусым – 18  тамыз аралығында арнаулы емтихан тапсырады.

Қайта ҰБТ немесе КТ нәтижелері бойынша шекті балды ала алмағандар жоғары оқу орнының күндізгі оқу бөліміне ақылы негізде қабылданады. ҰБТ немесе КТ 20-24 қаңтар аралығында қайта өткізіледі. Қатысу үшін өтініштер 10-20 желтоқсан аралығында қабылданады.