Маңғыстау облысында екі автобекет салынады

10 Июня 2017 (20:19) | 2102 | Автор: Мира Ботабекова

2020 жылға дейін облыста 2 автобекет салынады. Мұны Маңғыстау облыстық жолаушылар көлігі және автомобиль жолдары басқармасы басшысының орынбасары Тұрбек Спанов мәлімдеді.

Сондай-ақ, бір автовокзал, жолаушыларға қызмет көрсететін 14 бекет пен 22 такси тұрағы да тұрғызылады. Биыл аймақтағы автомобиль жолдарының құрылысына және қайта жаңарту жұмысына 1 милиард 83 милион теңге бөлінген. Бұл қаржыға «Қияқты-Тұщықұдық», «Ақтау-Қаламқас» және «Таушық-Шетпе», «Сыңғырлау-Сам-Ноғайты-Тұрыш» автомобиль жолдары жөнделеді. Оның екеуінің қаржысы республикалық бюджеттің еншісінде.

Тұрбек Спанов, Маңғыстау облыстық жолаушылар көлігі және автомобиль жолдары басқармасы басшысының орынбасары:

-Республикалық трансфертке салынуға 2 нысан таңдап алынып отыр. Біріншісі «Қияқты-Тұщықұдық» автомобиль жолы. Оның 23 шақырымы графильді жол. Екінші нысан ол Ақтау-Таушық бағытындағы жолдың су өткізбейтін құрылымдары.