Баршаның қастерлі парызы

Түп тамыры тереңге тартқан сыбайлас жемқорлық атты індет бүгінде бүкіл әлем қоғамдастығына қауіп төндіруде. Біздің елімізде де осы қоғамды жайлаған дертпен күрес шаралары Қазақстан тәуелсіздік алған күннен бастап ымырасыз жүргізілуде.

Жемқорлықпен күрес - бүгінгі қоғамдағы ең өзекті мәселенің бірі. Үлкен әлеуметтік қасірет болып табылатын ол саяси даму тұрғысынан бірі-біріне ұқсамайтын әлемдегі барлық елдердің қай-қайсын да қатты алаңдатып отырғаны сөзсіз.

Қазіргі таңда қоғамымызға қауіп төндіріп, орасан зор кесел келтіретін осынау келеңсіз әлеуметтік құбылысқа қарсы шаралар қатаң қолға алынуда. Мұндай жат құбылыспен бүкіл қоғам болып жұмыла күрескен жағдайда ғана нәтиже болары анық.

Қазақстан Республикасының ІІМ қылмыстық атқару жүйесі Комитетінің Маңғыстау облысы бойынша Департаментіне қарасты түзеу мекемелерінің қызметкерлері арасында аталған қоғам дертінің алдын алу шаралары ұдайы жүргізіліп келеді.

Осы мақсатта ҚАЖ Департаментінің «ГМ-172/10» мекемесінің басшылығы тарапынан жеке құрам арасында сыбайлас жемқорлықты, әкімшілік-құқық бұзушылық әрекеттерін болдырмау бағытында, мемлекеттік қызметкерлердің әдеп Кодексі талаптарының бұзылуына қарсы профилактикалық іс-шаралар жиі өткізіліп тұрады. Ол үшін мекеме қызметкерлерінің білімін көтеріп, кәсіби біліктіліктерін шыңдауға зор мән беріліп отырады. Мұндай игі шаралардың өз нәтижесін беріп отырғаны күнделікті қызмет барысында анық байқалуда.

«Жемқорлыққа қарсы күресу – жан-жақты, үздіксіз, ашық әрі әділетті түрде жүргізілуі тиіс. Біз сонда ғана алға қойған биік мақсаттарымызға қол жеткізе аламыз»,- деген еді Елбасы Н.Ә.Назарбаев.

Сондықтан қоғамды жегідей жеп жатқан қауіпті індет – сыбайлас жемқорлықпен ымырасыз күресу – әрбір азаматтың міндеті болуы тиіс.

Маңғыстау облысы бойынша ҚАЖ Департаментінің 

«ГМ-172/10» мекемесінің жедел бөлім бастығы әділет майоры Сәбит Сапарбайұлы Сансызбаев