Міндетті әлеуметтік медициналық сақтандыру бағдарламасы түсіндірілді

Маңғыстау облыстық сотында «Міндетті әлеуметтік медициналық сақтандыру туралы» кездесу өтті.

Іс-шараға аудандық және оған теңестірілген соттардың төрағалары мен судьялары, Маңғыстау облысы бойынша Соттар әкімшісінің басшысы Меңді Епенова, кеңсе қызметкерлері, №1 Ақтау қалалық емханасының қызметкерлері қатысты.

Кездесу жұмысын аша отырып, М.Епенова мемлекет, жұмыс берушілер мен азаматтардың ортақ жауапкершілігіне негізделген ағымдағы жылғы шілдеден бастап міндетті әлеуметтік медициналық сақтандыруды енгізуге назар аударылған Мемлекет басшысының «Қазақстанның үшінші жаңғыруы: жаhандық бәсекеге қабілеттілік» атты Жолдауын іске асыру аясында талқыланатын тақырыптың маңыздылығын атап өтті.

Іс-шарада сөз алған №1 Ақтау қалалық емханасының директоры Орынша Жұмалиева бұл реформаның ең басты нәтижесі экономикадан қосымша қаражатты тарту есебінен денсаулық сақтау жүйесі объектілерінің желісін және медициналық көмектің ел халқына қолжетімділігін сақтау болып табылатындығын тілге тиек етті. Сондай-ақ, ол міндетті әлеуметтік медициналық сақтандыру жағдайында пациенттердің өздері таңдаған дәрігер көрсетілетін қызметтердің көлемі мен сапасына сәйкес (немесе адекватты) жалақы алатындығын, МӘМС пакеті шеңберінде көрсетілетін медициналық қызметтер, сақтандырылған азаматтың тұрғылықты жері бойынша ғана емес, республиканың кез келген аумағында көрсетілетіндігін атап өтті. Сақтандыру медицинасының біртіндеп дамуы медициналық көмекке бейресми төлемдердің проблемасының өзектілігін жоятындығын жеткізді.

Іс-шара соңында М.Епенова О.Жұмалиеваға кездесуге қатысып, сот қызметкерлерінің сауалдарына жауап бергендігі үшін алғысын білдірді. Бұл туралы Маңғыстау облыстық сотының баспасөз қызметі хабарлайды.