Ақтаулық құтқарушылар балалардың қауіпсіздік ережелерін білуін тексерді

2017 жылдың 25 мамыр күні «№1 Жалпы білім беру орта мектебі» ММ-нің жаттығу залында, «Оқушы орталығы» МКҚК-ның ұйымдастыруымен Ақтау қаласының Төтенше жағдайлар басқармасы мен «Жедел құтқару жасағы» ММ бірлесіп, балалар арасында «Мы одна команда» акциясын өткізді.

Жарысқа 3 команда қатысты, Олар: «Чемпионы», «Молния», «Звездочка». Жарыс 8 эстафетадан тұрды.

Балалар өзара спорттық жаттығулар сайысында сынға түсті. Сонымен қатар 5-6 эстафетада балалардың өрт қауіпсіздгі мен судағы қауіпсіздік шараларына дайындығы тексерілді.

Жарысқа қатысқан барлық балалардан кез-келген төтенше жағдайда бір-бірлеріне қол ұшын беріп көмек көрсетуі, батылдығы мен жігерлілігі байқалды.

Жарыс қорытындысы бойынша 1 орынға ие болған - «Чемпионы» командасы, 2 орынды - «Молния» және 3 орынға - «Звездочка» командалары иеленді.

Барлық балаларға сыйлықтар таратылып, жеңімпаздар медальдар мен грамоталармен марапатталды.