Облыста 10 бала наркологиялық диспансердің есебінде тұр

Облыс бойынша 10 бала наркологиялық диспансердің есебінде тұр. Профилактикалық тіркеудегі жасөспірімдермен құзырлы мекемелер жұмыс жүргізіп жатыр. Бұл туралы «Қазақстан-Ақт ау» телеарнасы хабарлайды.

Өлкедегі 120 мың жасөспірімнің 70 пайызының бос уақыты тиімді ұйымдастырылған. Әлі толықтай қамтуды жүзеге асыру керек. Бұл мәселе мүдделі органдармен өткен жиында айтылды. Наркологиялық диспансердің есебіндегі 10 баланың әлеуметтік жағдайы әр түрлі. 9-ы Ақтаудың білім беру мекемелерінен болса, 1-еуі Бейнеу ауданынан. Есептегі жасөсірімдер саны өткен жылмен салыстырғанда азайған. Оларды бақылаудан алып, жаңадан пайдаланушыларды болдырмау мақсатында жұмыстар күшейтіледі,- деп отыр мамандар.

Айжақсы Тұржанова - Маңғыстау облыстық білім басқармасы басшысының орынбасары:

-115 мектеп инспекторымыз бар, 200-ден астам психологтарымыз бар, әлеуметтік педагогтарымыз бар, жалпы осы тәрбие саласымен 1576 маман тікелей айналысады. 14 мыңнан аса мұғалім әр сабағында әр баланың тәрбиесімен айналысады.