Сот шешімін орындамағаны үшін айыппұл салынды

Қарақия аудандық сотында сот актісін орындамағаны үшін жауапқа тартылған азаматқа қатысты әкімшілік іс қаралды.     

Сотта, Жаңаөзен қалалық сотымен борышкер Е-ден өндіріп алушы А-ның пайдасына екі балалары кәмелетке толғанға дейін ай сайын табысының немесе өзге де кірісінің үштен бір бөлігі мөлшерінде алимент өндіру туралы сот бұйрығы қабылданып, атқарушылық іс жүргізу қозғалған.

Алайда, оған атқарушылық құжатты орындау туралы хабарламалар берілгенімен Е. сот актісі және атқарушылық құжат осы күнге дейін орындалмаған.

«Сот қаулысымен Е. Қазақстан Республикасы ӘҚБтК-нің 669-бабында (сот үкімін, сот шешімін немесе өзге де сот актісін және атқарушылық құжатты орындамау) көрсетілген әкімшілік құқық бұзушылықты жасағаны үшін кінәлі деп танылып, оған осы баппен 10 айлық есептік көрсеткіш мөлшерінде, яғни 22 690 теңге айыппұл жазасы қолданылды»,-деп хабарлайды Қарақия аудандық сотының Баспасөз қызметі.