Нұрбек-күміс жүлдегер атанды!

Талдықорған қаласында дзюдо күресінен 2001-2002 жылы туған жасөспірімдер арасында «Қысқы демалысқа» арналған республикалық турнир мәресіне жетті. Оған Қырғызстан мемлекетінен және Астана, Алматы, Маңғыстау, Орал, Қызылорда, Шымкент, Шығыс Қазақстан облыстарынан келген барлығы 500-ге жуық спортшы қатысты.

17 салмақ дәрежесі бойынша бақ сынасқан спортшылардың арасынан маңғыстаулық балуан Нұрбек Қуанышұлы (55 келі салмақта) үздік танылып, күміс медальды жеңіп алды.

- Мешін жылы мен үшін жеңісті сәттермен басталды. Талдықорған қаласында 14-18 қаңтар аралығында өткен республикалық жарыста он бес жасар шәкіртім Нұрбек Қуанышұлы күмісті иеленіп, жерлестеріне жеңіс сыйлады. Болашағынан үлкен үміт күттіретін Нұрбек - өткен жылы ҚР чемпионатының күміс жүлдегері атанған болатын. Енді ол 4-8 ақпанда Ақтөбеде дзюдодан жасөспірімдер арасында өтетін ҚР чемпионатында облыс намысын қорғайтын болады,-дейді Ақтау қаласындағы балалар мен жасөспірімдерге арналған «Жастар» спорт мектебінің бапкері Жомарт Қобыланов.

Республикалық турнир аясында спортшыларға арналған оқу-жаттығу жиыны да ұйымдастырылатыны белгілі болды.