Түпқараған ауданында бос жұмыс орындарының жәрмеңкесі өтті

Түпқараған ауданында бос жұмыс орындарының жәрмеңкесі өтті

Форт-Шевченко қаласы мен Ақшұқыр ауылында бос жұмыс орындарының жәрмеңкесі өтті. Нәтижесінде 36 тұрғын тұрақты жұмысқа орналасты, деп хабарлайды Қоғамдық коммуникация орталығы.

Жәрмеңке Түпқараған ауданының әкімі Рахат Елтизаровтың тапсырмасы бойынша өткізілген. Оған 26 мекеме қатысып, 335 бос жұмыс орнын ұсынды.

-Нәтижесінде 36 тұрғын тұрақты жұмысқа, 10 адам қоғамдық жұмысқа орналасты. Тағы төртеуі жастар практикасынан өтеді. Ауданның тағы 10 тұрғынына қысқа мерзімді курстарға қатысу ұсынылды, - деді Түпқараған аудандық жұмыспен қамту орталығының директоры Римма Жақсылық.

Түпқараған ауданы әкімдігінің баспасөз қызметінің мәліметінше, жыл басынан бері 426 адам жұмысқа орналасқан. Оның 343 - і тұрақты, 83-і уақытша жұмыс.

Сондай-ақ, биылдан бастап жастарға берілетін грант құны 400 айлық есептік көрсеткішке артты. Жыл басынан бері Түпқараған ауданында 10 жұмыссыз тұрғын грант ұтып алды.