1 маусым - балаларды қорғау күні

Халықаралық балаларды қорғау күні — ең көне халықаралық мерекелердің бірі. Халықаралық демократиялық әйелдер федерациясы конгресінің шешімімен алғаш рет 1950 жылы аталып өтті.

Халықаралық балалар күнінің туы бар. Өсімді, үйлесімділікті, балғындық пен құнарлылықты бейнелейтін жасыл фонда, жер белгісінің айналасында қызыл, сары және қара түсті фигуралар орналасқан. Бұл адам фигуралары әртүрлілік пен төзімділікті бейнелейді. Орталықта орналасқан жер белгісі-біздің ортақ үйіміздің таңбасы.

Осыған байланысты Ақтау қаласы Төтенше жағдайлар басқармасының аға инженері Е.Борашевпен бірге басқарма инженері С.Нугманов   №42 "Түймедақ" балабақшасында "Балаларды қорғау күні"көңілді мерекесін өткізді. Іс-шарада балалар өрт қауіпсіздігі және судағы қауіпсіздік бойынша сұрақтарға белсенді және көңілді жауап берді, сондай-ақ суреттер байқауына қатысты.

Мереке сәтті өтті, барлығы өрт қауіпсіздігі бойынша грамоталар, сыйлықтар мен журналдар алды. Іс-шара соңында басқарма қызметкерлерімен жадынамалар таратылып, өрт қауіпсіздігі және судағы қауіпсіздік ережелері қайта түсіндірілді.

Бірақ балаларды қорғау күні-бұл балалардың өздері үшін көңілді мереке ғана емес, бұл барлық балалардың бақытты болып өсуі, оқуы, сүйікті ісімен айналысуы және болашақта өз елінің тамаша ата-аналары мен азаматтары болуы үшін баланың құқықтарын қорғау қажеттілігі туралы қоғамға ескерту.

Ақтау қаласының ТЖБ аға инженері азаматтық қорғау аға лейтенанты Е.О.Борашев

Ақтау қаласының ТЖБ инженері азаматтық қорғау лейтенанты С.А.Нугманов